Laugalækjarskóli og Foreldrafélag Laugalækjarskóla boða nemendur og foreldra í 7. og 8. bekk til bíósýningar föstudaginn 11. maí kl. 17:45. 

Eineltismál hafa verið mikið til umræðu síðustu vikur og er það vel. Jóhannes og Kastljóst eiga heiður skilinn fyrir að halda umræðunni á lofti. Á sama tíma er Háskólabíó/Sena að sýna myndina Grimmd: sögur af einelti (Bully).  Sjá t.d. http://midi.is/bio/7/3315/  og http://www.thebullyproject.com/

Til að styðja umræðuna ætla Laugalækjarskóli og Foreldrafélag Laugalækjarskóla að stefna sem flestum nemendum og foreldrum í 7. og 8. bekk á sýningu myndarinnar næsta föstudag, 11. janúar, kl. 17:45. Skólinn býður nemendum frían aðgang og Sena býður foreldrum miðann á 650 kr.  Guðrún Ebba hefur séð myndina. Hún mælir með henni og sérstaklega fyrir börn og foreldra saman!

Til að undirbúa nemendur og kynna átakið munu umsjónarkennarar lesa söguna Grimmd eftir Halldór Stefánsson í umsjónartíma.

Við minnum svo á eineltissíðu skólans. 

Við mælum með því að fólk reyni að vera komið kl. 17:30. Sjáumst á föstudaginn.

Laugalækjarskóli og Foreldrafélagið. 

Laugalækjarskóli hlaut hvatningarverðlaun Friðarhlaupsins, "Kyndilberi friðar" fyrir að kynna friðarmál. Tveir nemendur sem leggja sig fram um að stuðla að sátt og samlyndi innan skólans, þau Kristrún Vala og Huginn Orri, tóku við verðlaunapeningnum og málverki eftir stofnanda Friðarhlaupsins, Sri Chinmoy. Einnig var kennari þeirra Guðrún Ebba Ólafsdóttir heiðruð en hún hefur kynnt friðarmálin fyrir krökkunum af miklum áhuga.

Í tengslum við friðarhlaupið sömdu nemendur í 7. og 8. bekk Laugalækjarskóla ljóð, smásögur og hugleiðingar um frið. Sigurvegarar í Stóru upplestrarkeppninni frá og í fyrra og núna í ár, þau Garðar Ingvarsson og Hólmfríður Hafliðadóttir, lásu nokkur þeirra við athöfnina fyrir utan Höfða.

Nemendur í 8. bekk unnu að undirbúningi fyrir friðarhlaupið í lífsleikni- og enskutímum og þess vegna er ein hugleiðingin á ensku. Við notuðum m.a. efnið Living in Harmony frá bandarískum kennara.

Þessa viku hafa 10 nemendur úr 10. bekk skólans tekið þátt í kvikmyndahátíð í Bodö í Noregi. Þar hafa nemendur unnið að gerð stuttmynda undir stjórn þekktra leikstjóra í samvinnu við nemendur frá Rússlandi, Finnlandi, Noregi, Svíþjóð og Danmörku. Þetta er í 4. skipti sem þessi hátíð er haldin í Bodö og í 2.skipti sem nemendum úr Laugalækjarskóla er boðið að vera með. Í fyrsta skipti  nú í ár er kvikmyndagerðamaður frá Íslandi á meðal kennara  Silja Hauksdóttur en hún hefur skrifaði og leikstýrt bæði kvikmyndum og þáttum í sjónvarpi. Hápunktur hátíðarinnar verður svo í kvöld en þá verða stuttmyndirnar sýndar og er mikil tilhlökkun hjá öllum.