Foreldraviðtöl

vidtal2

Fimmtudaginn 29. september eru foreldraviðtöl og mæta
nemendur eingöngu í skólann í boðuð viðtöl með foreldrum
sínum.  Aðrir kennarar en umsjónarkennarar verða einnig
til viðtals þennan dag, ýmist í stofum sínum, í upplýsingaveri
eða í vinnuherbergjum - nánari upplýsingar verða á staðnum. 
 

 

 

 

 

Verkefni í ensku

book

Eitt af fyrstu verkefnunum sem nemendur vinna í ensku í 7. bekk er að búa til bók um sig sjálfa. Hæfniviðmiðin eru að nemendur geti skrifað stutta texta um mikilvæga þætti í lífi sínu, um áhugamál sín, vini og framtíðina. Eins og myndirnar bera með sér eru bækurnar mjög fallegar í ár.

Enska3

Nemendur í 8. bekk velja persónu sem þeir líta upp til og afla sér upplýsingar um hana í upplýsingaverinu. Þeir búa til veggspjald í Publisher og læra á forritið í leiðinni. Að auki búa þeir til kynningu í Powerpoint sem þeir nota við kynningu fyrir bekknum. Meðan á kynningu stendur fer fram jafningjamat þar sem nemendur gefa hverjir öðrum stjörnur á þar til gerð eyðublöð og taka fram það sem þeim fannst sérstaklega gott við kynninguna. Í ár lögðu nemendur mjög mikinn metnað í verkefnið eins og myndirnar gefa til kynna!

Hægt er að sjá fleiri myndir hér.

Bekkjarsáttmáli

Bekkjarsattmali

Í Laugalækjarskóla vinnum við að því að innleiða hugmyndafræði jákvæðs aga og liður í því er að bekkirnir útbúa bekkjarsáttmála. Markmið með sáttmálunum eru:

  1. Að skapa umhverfi þar sem öllum líður vel, árangursríkt nám fer fram og gagnkvæm virðing.
  2. Að nemendur séu með í að ákveða hvað eigi að vera í bekkjarsáttmálanum.

Nemendur koma með fjöbreyttar tillögur um hvað þurfi til að kennslustundirnar hjá bekknum verði skemmtilegar, árangursríkar og öllum líði vel. Síðan kjósa þeir 3-5 atriði sem þeim finnast mikilvægust. Því næst er búið til veggspjald með atriðunum sem flest atkvæði hlutu og allir skrifa undir, vegna þess að nemendur bjuggu hann til og eiga að bera ábyrgð á að allir fylgi honum eftir.

Hægt er að sjá fleiri myndir hér:

Þemadagar í dönsku

nordlinien

Dagana 19. og 20. september bauðst öllum nemendum í 9.bekk að taka þátt í samstarfsverkefni á vegum Nordlinjen. Nemendur hér og í Danmörku bjuggu til stuttmyndir þar sem þeir fjölluðu um matarmenningu og fjölskyldu. Þessum myndum var svo að deilt á milli landa. Í lok dags fengu nemendur tækifæri til að ræða saman í gegnum netið og kynnast betur.