Fimmtudagurinn-1-október

Í rútunni var mikið fjör og sungið bæði á frönsku og íslensku. Það sem aðallega gladdi augað mitt á leiðinni til Bordeaux var ótrúlegt magn af trjádrumbum sem höfðu verið hoggnir niður og lágu í geymslu til seinni tíma notkunar.

Í Bordeaux ferðuðumst við um í rútu og höfðum leiðsögumann til að upplýsa leyndardóma borgarinnar. Sjálfur hefði ég viljað ráfa meira um í þessari fallegu borg og jafnvel fara inn í glæsilega Bordeaux-borgar sem nær tvöfaldri hæð Hallgrímskirkju (pfff! eins og það sé nú hægt).

Í lokin fengum við að labba um verslunargötuna og kaupa okkur föt á stórfenglegu kreppuverði. Þetta var að öllu leyti mjög skemmtilegur og flest allir bara ánægðir.
Já, gaman að þessu!
Sveinn Breki. 

Föstudagur 2. október
Í dag fórum við Íslendingarnir án frönsku krakkanna í ferð suður í Baskaland í fylgd tveggja franskra kennara. Við gengum eftir Hendaye-ströndinni og skoðuðum tvíburaklettana svokölluðu. Þeir eru úr kalksteini og marne-steini, við gerðum tilraun með sýru til að sjá hvor var hvað. Síðan fórum við eftir göngustíg gegnum verndað landsvæði sem heitir Abbadia í höfuðið á Antonie d‘Abbadie landkönnuði. Þegar við vorum búin að borða nestið fórum við í bæinn Saint Jean de Luz þar sem við gengum verslunargötuna. Því miður voru allflestir búðareigendur í siestu svo búðirnar voru margar lokaðar. Síðan fór hver í sínu lagi til sinnar frönsku fjölskyldu.
Karítas og Sólrún

Laugardagur 3. október

Ég og Mare pennavinkona mín vorum vaktar kl. 9:30 og fengum við okkur morgunmat. Í Frakklandi hita þau mjólkina og setja morgunkornið síðan út í sem er mjög sérstakt. Við keyrðum svo til borgarinnar Pou og þar skoðuðum við kastala Henry the 4th. Versluðum smá og keyrðum svo heim. Fengum kartöflur og parmaskinku með bræddum osti yfir sem var óskaplega gott. Fórum svo að sofa um kl.23.

Þriðjudagur 6. október
Við byrjuðum daginn á handknattleiksmóti sem stóð til hádegis. Liðin voru blönduð þ.e. Íslendingar og Frakkar í hverju liði. Eftir langa og stranga keppni urðu úrslitin ljós og  lið Alexanders varð sigurvegari eftir æsispennandi úrslitaleik gegn liði Sigurðar.  Eftir leikinn var síðan verðlaunaafhending þar sem sigurliðið fékk glæsilegan bikar í verðlaun. Eftir þessa löngu keppni var farið í matsalinn þar sem við fengum mat að hætti Landesbúa. Eftir hádegið var farið í ratleik þar sem meðlimir hvers hóps þurftu að vinna saman til að komast að svörum við spurningar á ýmsum stöðum í miðborg Mont Marsan.

 Bkv. Elísabet
_______________________________
 
Á laugardaginn fór ég með fjölskyldunni til Bayonne. Við gengum dálíðið og keyrðum svo til Biarriz sem er mjög flottur strandbær. Þar gengum við líka um og fórum svo aftur upp í bíl og keyrðum til Spánar svo að fjölskyldan gæti verslað því það er miklu ódýrara fyrir Frakka að versla á Spáni.
 Á sunnudaginn fór ég í klifur í háum trjám með Xabi vini mínum, Söru, Indy og þeirra frönsku vinum. Það var þvílíkt gaman og ég skemmti mér konunglega.
Bkv Guðbjartur
 

 

Sjá myndir