Starfsáætlun 2016-2017

Hér á vef skólans er að finna allar helstu upplýsingar um starfsemi Laugalækjarskóla veturinn 2016 - 2017; til að forðast tvítekningu er gjarnan vísað á vef skólans. Fyrir vikið er þessi starfsáætlunin ágætis upphafsreitur fyrir þann sem vill fá góða yfirsýn yfir skólastarfið.

Grunnupplýsingar um skólann

Í valmyndinni Skólinn má finna upplýsingar um opnunartíma og hlutverk skrifstofuum fjölda nemenda, kennara og starfsmannanöfn starfsfólks og netföng þeirraviðtalstímatrúnaðarmennrýmingaráætlun og fleira.

Skóladagar

Haustið 2016 verður byrjun skóladagsins áfram kl. 8:30 eins og veturinn á undan. Skóladagurinn stendur mislengi, bæði eftir aldri og valgreinum. Nemendur eru gjarnan búnir kl. 14:40 en um kl. 13:20 á föstudögum.

Af skóladagatali má lesa upplýsingar um upphaf og endi skólaársins, kennsludaga, samstarfsdaga, leyfi og fleira sem tilheyrir starfsáætlun skólans. Fyrir nemendur eru þetta 170 heilir skóladagar (hvítir) og 10 dagar þar sem dagskrá er skert að einhverju leyti (gulir), leyfi nemenda eru táknuð með ýmsum litum.  

Vissara er að árétta eftirfarandi viðburði og dagsetningar, í tímaröð:

  • Skólasetning er mánudaginn 22. ágúst.
  • Námskynningar 
  • Fyrstu foreldraviðtöl vetrarins verða fimmtudaginn 29. september. Viðtölin verða með hefðbundnu sniði, nemandi og foreldrar koma saman til umsjónarkennara.
  • Vetrarleyfi að hausti er fimmtudaginn 20. október, föstudaginn 21. október og mánudaginn 24. október. 
  • Möppudagur haustannar er þriðjudaginn 15. nóvember og foreldraviðtöl haustannar eru mánudaginn 21. nóvember. Foreldraviðtölin eru með opnu sniði, allir kennarar eru til viðtals og nemendur og fjölskyldur geta því gengið um skólann og heimsótt þá kennara sem koma að námi nemandans. 
  • Sérstök dagskrá verður allra síðustu dagana fyrir jólaleyfi. Síðustu daga fyrir jólaleyfi verða jólaleikar skólans, sérstök námsdagskrá þar sem nemendur vinna í hópum þvert á árganga. Jólaböll skólans og félagsmiðstöðvarinnar Laugó verða um kvöldið 19. desember. Þann 20. desember verða hefðbundin stofujól og hátíðarkaffi, eftir það hefst jólaleyfi nemenda.  
  • Þriðjudagurinn 3. janúar er starfsdagur kennara. 
  • Kennsla hefst aftur miðvikudaginn 4. janúar. 
  • Möppudagur vetrarannar er föstudagurinn 17. febrúar. 
  • Vetrarleyfi er mánudaginn 20. febrúar og þriðjudaginn 21. febrúar. 
  • Foreldraviðtöl vetrarannar eru mánudaginn 27. febrúar. Viðtölin verða með hefðbundnu sniði, nemandi og foreldrar koma saman til umsjónarkennara.
  • 7. bekkur fer í skólabúðirnar að Reykjum í Hrútafirði vikuna 6. mars til 10. mars (birt með fyrirvara um staðfestingu).
  • Árshátíðir nemenda sem verða í mars og gera má ráð fyrir einhverju uppbroti í árshátíðarvikunni, t.d. nýrri bekkjaskipan.
  • Síðasti kennsludagur fyrir páskaleyfi er föstudagurinn 7. apríl og fyrsti kennsludagur eftir páskaleyfi er þriðjudagurinn 18. apríl. 
  • 9. bekkur fer í skólabúðirnar að Laugum í Sælingsdal vikuna 8.- 12. maí (birt með fyrirvara um staðfestingu).
  • Föstudagurinn 26. maí, daginn eftir uppstigningardag, er samstarfsdagur kennara. Nemendur eiga frí þann dag.
  • Skólaslit fyrir 7. - 9. bekk og foreldraviðtöl vorannar eru þriðjudaginn 6. júní. 
  • Brautskráning 10. bekkjar er miðvikudaginn 7. júní.  

Stefna skólans, mat á skólastarfinu og skólaþróun

Í valmyndinni Skólinn má finna fjölmörg atriði sem tengjast stefnumati og þróun á skólastarfinu, m.a. af nýlegri úttekt skóla- og frístundasviðs á skólastarfinu í LaugalækjarskólaNiðurstöður úr ýmsum mælingum síðustu ára og umbótaáætlanir er að finna á sérstakri síðu.

Skólanámskrá

Efni sem tilheyrir skólanámskrá er einkum að finna á eftirtöldum stöðum:

Skólareglur

Í skólareglum Laugalækjarskóla má greina áherslur skólans hvað varðar nám, lýðheilsu og hegðun. Einnig eru þar skýr viðurlög við reglubrotum. Sérstakar verklagsreglur skóla- og frístundasviðs tengjast skólareglunum, þær tengjast einnig stoðþjónustu. 

Stoðþjónusta

Stoðþjónusta skólans er tiltekin í sérstakri valmynd. Þar er er m.a. að finna upplýsingar um námsverheilsugæslunemendaverndarráðsálfræðiþjónustuáfallaráðskólaráð og náms- og starfsráðgjöfUmfjöllun um einelti og áætlun gegn einelti er að finna á sérstakri síðu.

Félagslíf

Laugalækjarskóli og félagsmiðstöðin Laugó standa saman að nemendaráðum sem skipuleggja félagslíf skólans. Það samanstendur af reglulegu starfi á opnunartíma félagsmiðstöðvar og einstökum viðburðum þess utan.

Fyrir foreldra

Í valmyndinni Foreldrar er að finna upplýsingar um hvernig sækja skal um leyfi, um skólaráðforeldrafélagbekkjarfulltrúaviðbrögð við óveðri og fleira. 

Með von um að öllum í skólasamfélaginu reynist auðvelt að finna upplýsingar um það sem að skólastarfinu snýr skólaárið 2016 - 2017. Hafið samband ef ykkur finnst eitthvað vanta.

Jón Páll Haraldsson skólastjóri
Sólveig Hrafnsdóttir aðstoðarskólastjóri.

Prenta | Netfang