Heilsugæsla

Hjúkrunarfræðingur og skólalæknir sinna reglubundnu heilbrigðiseftirliti nemenda í skólanum. Auk þess sinna þau öðrum viðfangsefnum sem upp kunna að koma í samstarfi við kennara, sálfræðing, námsráðgjafa og foreldra eftir þörfum hverju sinni.  

Viðtalstímar hjúkrunarfræðings eru í Laugalækjarskóla á þriðjudögum og miðvikudögum og eftir samkomulagi. Þá daga sem Heiðlóla hjúkrunarfræðingur er ekki í skólanum er nemendum velkomið að snúa sér til vakthafandi hjúkrunarfræðings á Heilsugæslunni í Lágmúla. Heilsugæslan er opin kl. 8-16 alla virka daga. Sími 5951300.

Reglubundnu heilbrigðiseftirliti lýkur af hálfu heilsugæslunnar í 9. bekk. Þá eru framkvæmdar sjón- og heyrnarmælingar, hæðar- og þyngdarmælingar og læknisskoðun.
Nemendur í 7. og 9. bekk gera mat á lífsstíl og eigin heilbrigði og líðan á þar til gerð eyðublöð. Í framhaldi af því kemur hver nemandi í viðtal til hjúkrunarfræðings þar sem áhersla er lögð á heilbrigðisfræðslu, heilbrigðishvatningu, ráðgjöf og stuðning eftir þörfum hvers og eins.
Bólusetningar: Nemendur í 7. bekk eru bólusettir gegn mislingum, hettusótt og rauðum hundum (ein sprauta MMR). Síðasta bólusetning í grunnskóla er gegn mænuveiki, barnaveiki og stífkrampa (ein sprauta) við 14 ára aldur, þ.e. í 9. bekk.
Eftir það þarf fólk sjálft að passa upp á að viðhalda ónæmi sínu í samráði við sinn heimilislækni og samkvæmt reglum sem landlæknisembættið gefur út hverju sinni. Einnig er fólki bent á að halda til haga ónæmisskírteinum sínum og passa upp á að þau séu rétt útfyllt, en þau þarf gjarnan að nota þegar farið er til ákveðinna landa, t.d. þegar sótt er um skólavist.
Ef nemandi þarf að taka lyf í skólanum er nemendum/foreldrum bent á að hafa samband við hjúkrunarfræðing. 
Ef lús finnst í hári nemanda, vinsamlegast látið skólann vita og fylgið leiðbeiningum um framhaldið. 
Nemendur og forráðamenn þeirra eru hvattir til að hafa samband við skólahjúkrunarfræðing um þau mál sem þeir telja að heilsugæslan geti aðstoðað þá við.

Netfang:  This e-mail address is being protected from spambots. You need JavaScript enabled to view it.  

Heilsugæslan er á vegum Heilsugæslunnar í Lágmúla 4.
Hjúkrunarfræðingur er Heiðlóa Ásvaldsdóttir 
Skólalæknir er Salóme Ásta Arnardóttir.

Prenta | Netfang