Frá stofnun hafa starfsmenn Tungumálavers átt frumkvæði að fjölmörgum þróunarverkefnum sem tengd eru netnámi og tungumálakennslu.

Netnámið í norsku, sænsku, dönsku og pólsku er eitt samfellt þróunarverkefni þar sem námsefni og kennsluhættir eru þróaðir jafnt og þétt.

Þróunarverkefni sem Tungumálaver á aðild að skólaárið 2010 – 2011

Tungumálatorgið er samstarfsverkefni í mótun og hefur aðstöðu í Tungumálaveri. Verkefnið er styrkt af menntamálaráðuneyti og nýtur velvilja margra aðila. Tungumálatorginu er ætlað að verða þekkingarmiðja og upplýsingavefur um tungumálanám og –kennslu í samfélagi fjölmenningar.

Á vefsíðum verður efni þar sem höfundarrétthafar hafa heimilað afnot af efninu samkvæmt ákvæðum Creative Commons - "hugverkasameign".

Tilgangurinn með Torginu er að koma betur á framfæri efni sem unnið hefur verið opinbera styrki á undanförum árum, samnýta efni, þekkingu, reynslu og fé, efla kennara í starfi með hagnýtu stoðefni og umfram allt að tryggja nemendum þann jöfnuð sem þeir eiga rétt á samkvæmt lögum. Tungumálatorg skólanna er vettvangur allra skóla, kennara og foreldra á Íslandi án tillits til búsetu eða efnahags.

Tungumálatorgið er fjöllaga þróunarverkefni. Til að byrja með verða þar efnisvefir, samskiptavefir og námsvefir sem tengjast kennslu í íslensku sem annað mál og íslensku fyrir íslensk börn erlendis, kennslu í dönsku, norsku og sænsku, kennslu í pólsku og hugsanlega öðrum tungumálum innflytjenda.

Verkefnið hefur fengið styrki úr Sprotasjóði, Nordplus, Samstarfssjóði Íslands og Danmerkur, Þróunarsjóði innflytjendamála félagsmálaráðuneytisins og Þróunarsjóði grunnskóla.

Samstarfsaðilar, auk menntamálaráðuneytis, eru m.a. Menntasmiðja Menntavísindasviðs Háskóla Íslands, Menntasvið Reykjavíkurborgar, Félag dönskukennara og Félag norsku- og sænskukenna.

 Þróunarverkefni sem unnin verða í Tungumálaveri skólaárið 2009 - 2010

• E-Twinning verkefni í norsku og sænsku með þátttöku nemenda frá öllum Norðurlandaþjóðunum.
• E-Twinning verkefni í sænsku með þátttöku nemenda frá Íslandi og Svíþjóð. Isländska tomtar och svensk Lucia.
• "Ferðir storksins um Pólland"  er samvinnuverkefni pólskra nemenda sem búsettir eru erlendis. Til verkefnisins er stofnað af kennurum þeirra sem allir tóku þátt í námi á vegum háskólans í Lublin um kennslu pólskra barna erlendis.

Þróunarverkefni sem unnin voru á vegum Tungumálavers skólaárið 2008 – 2009

• Pólska fyrir nemendur af pólskum uppruna. Námið fer fram á sama hátt og norska og sænska bæði í staðnámi og netnámi innan borgarmarkanna. Kennsla í pólsku í netnámi er í boði fyrir börn af öllu landinu.
• Farkennaraþjónusta Veittar eru upplýsingar um farkennara fyrir börn af filippínskum, pólskum, rússneskum og lettneskum uppruna. Þjónustan verður þróuð og framkvæmd í samvinnu við kennara og skóla. 

Þróunarverkefni tungumálavers hafa notið styrkja úr þróunarsjóðum menntamálaráðuneytis, Menntasviðs Reykjavíkur, Norrænu ráðherranefndarinnar, Samstarfssjóði Íslands og Danmerkur um dönskukennslu á Íslandi, utanríkisráðuneytum Noregs og Svíþjóðar, ræðismannsskrifstofu Póllands á Íslandi og Velferðarsjóði barna.