Forsíða
Lokaverkefni í 10. bekk - Kynningar
Að venju varði 10. bekkur maímánuði í vinnu við lokaverkefnið. Í lokaverkefninu móta nemendur rannsóknarspurningu sem þeir leitast við að svara á málefnilegan og rökstuddan hátt en beita um leið innsæi sínu og hugarflugi. Eins og undanfarin ár voru efnistök frjáls og rannsóknarspurningarnar fjölbreyttar að vonum. Meðal þeirra efna sem nemendur glímdu við í maímánuði voru: plast, rapp, fullkomnun og hamingja, samsæriskenningar, samfélagsleg áhrif kaffidrykkju, matreiðslubók, tákn og er samt fátt eitt nefnt.
10. bekkingar kynna verkefni sín!
Nemendur í 10. bekk hafa unnið hörðum höndum síðustu vikurnar, við að klára lokaverkefni sín. Þemað í ár er frjálst og hafa nemendur verið duglegir að afla upplýsinga, taka viðtöl, skrifa texta, setja upp heimasíður ásamt því að búa til listaverk. Margar góðar hugmyndir hafa litið dagsins ljós og eru útfærslur verkefnisins fjölbreyttar. Á morgun fimmtudag (31. maí) kl.17:30 munu 10.bekkingar kynna verkefni sín og eru allir velkomnir að koma og hlusta á fyrirlestrana og skoða básana þeirra.
Við hlökkum til að sjá sem flesta!
Eldri fréttir