Skip to content

Um nám í sóttkví

Almennt um sóttkví

Skólinn þakkar öllum þeim sem fylgja fyrirmælum landlæknis og sitja í sóttkví. Með því stuðlum við að öryggi hvers annars og vinnum með yfirvöldum að almannahag. Leiðbeiningar landlæknis um sóttkví.

Hér að neðan eru stuttar ráðleggingar.

Það sem mun skipta mestu máli er hvað þú sjálf(ur) ákveður að gera!

Hvað get ég gert til að stunda nám í sóttkví eða skólalokun?

Vikuáætlun á Mentor.is er upphafsreitur allra sem vilja sinna námi að heiman.  Fylgist reglulega með fyrirmælum kennara á vikuáætlun.

  • Gerðu þér skriflega áætlun fyrir hvern dag.  Taktu fram þau verkefni sem þú ætlar að ljúka. Hafðu áætlunina hæfilega fjölbreytta. Ekki hafa of miklar áhyggjur af því að áætlunin gangi ekki alveg upp, en það er samt mikilvægt og lærdómsríkt að gera sér áætlun.
  • Námsmatið á Mentor.is getur gefið þér vísbendingar um atriði sem þú vilt bæta þig í.
  • lesa góða bók er alltaf góður kostur.  Gefðu þér tíma daglega til að lesa í bók.
  • Veraldarvefurinn og ýmis smáforrit/öpp geta hjálpað þér að ná markmiðum þínum.  Vandaðu valið ef kostirnir eru margir. Góð dæmi eru eftirfarandi:
  • Gerðu líka ráð fyrir pásum til að hvíla þig og e.t.v. nokkrum leikfimiæfingum til að sinna líkamanum.  Hægt er að fylgja æfingamyndböndum á netinu.

Hvað get ég gert ef skólanum verður lokað?

  • Allt ofangreint verður í fullu gildi.
  • Ef til skólalokunar kemur er gott að hafa sem mest af skólabókunum heima hjá sér. Munið einnig að á vef MMS er hægt að finna flestar skólabækur sem notaðar eru í íslenskum grunnskólum, einnig rafbækur. Skólinn mun leyfa nemendum að koma og sækja bækur á einhverjum tilteknum tíma.
  • Menntayfirvöld og Ríkísútvarpið eru einnig að leita leiða til að leiðbeina þeim sem ætla að sinna náminu að heiman.

Mundu að þú ert alltaf að búa þig undir framtíðina, það breytist ekki neitt þó flensa gangi yfir.