Jólaskákmót Laugalækjarskóla

Jólaskákmót Laugalækjarskóla fór fram mánudaginn 17. desember. Rúmlega 30 keppendur tefldu sex umferðir með sex mínútna umhugsunartíma. Flestir keppendur voru úr sjöunda og áttunda bekk þar sem ríkir þónokkur skákáhugi. Fyrir fram mátti búast við öruggum sigri Gests Andra. Fór svo að Gestur Andri sigraði örugglega á mótinu en hann vann allar sínar skákir. Í öðru sæti var Snorri Esekíel og þriðji varð Tindur. Tindur varð efstur nemenda úr áttunda bekk, Gestur Andri efstur nemenda í níunda bekk, Vigfús Máni var efstur nemenda í tíunda bekk og Adam Son Thai efstur úr sjöunda bekk.

Prenta | Netfang