Lokaverkefni í 10. bekk - Kynningar

Að venju varði 10. bekkur maímánuði í vinnu við lokaverkefnið.  Í lokaverkefninu móta nemendur rannsóknarspurningu sem þeir leitast við að svara á málefnilegan og rökstuddan hátt en beita um leið innsæi sínu og hugarflugi.  Eins og undanfarin ár voru efnistök frjáls og rannsóknarspurningarnar fjölbreyttar að vonum. Meðal þeirra efna sem nemendur glímdu við í maímánuði voru: plast, rapp, fullkomnun og hamingja, samsæriskenningar, samfélagsleg áhrif kaffidrykkju, matreiðslubók, tákn og er samt fátt eitt nefnt.

Niðurstöðum sínum skiluðu nemendur í formi margbreytilegra afurða á borð við vefsíðna, stuttmynda,  bóka, bæklinga, innsetninga, málverka, skúlptúrar, kínatákn, metangas tankur og fleira.   Verkefninu lauk síðan formlega fimmtudaginn 31. maí þegar nemendur kynntu verkefni sín, vinnuferli og niðurstöður fyrir aðstandendum og öðrum áhugasömum í fjórum málstofum.  Að kynningum loknum gátu áhugasamir kynnt sér nánar viðfangsefni 10. bekkinga á kynningarbásum sem nemendur settu upp í sal og á göngum skólans.  Eins og sjá má voru básarnir óvenju fjölbreyttir í ár og gátu gestir meðal annars gætt sér á ýmsar kræsingar, hlustað á rapplag, fengið sér kaffir, skoðað samsæriskenningar og séð hvernig kínatákn hafa þróast í gegnum aldanna rás.

Óhætt er að segja, að lokaverkefnið hafi heppnast mjög vel í ár og almenn ánægja meðal kennara og gesta með árangurinn.  Í lokaverkefninu gefst nemendum tækifæri á að beita sjálfstæðum vinnubrögðum við viðfangsefni að eigin vali og nýta sér þá færni sem þeir hafa þjálfað með sér á sinni 10 ára grunnskólagöngu.  Verkefnið ætti því að vera góð vísbending um stöðu nemenda við upphaf framhaldsnáms næstkomandi haust.

Hægt er að skoða myndir frá kvöldinu hér.

Prenta | Netfang